Kasper Hjulmand, landsliðsþjálfari Dana, er ekki sáttur með UEFA og tjáði skoðun sína á blaðamannafundi í dag. Í leik þeirra á móti Finnlandi fór Christian Eriksen í hjartastopp rétt fyrir hálfleik og leik var hætt. Nokkrum tímum seinna fór leikurinn aftur í gang en Danir töpuðu með einu marki gegn engu.
„Kórónuveiran leyfir þér að fresta leik um 48 tíma en hjartaáfall gerir það ekki. Það finnst mér vera rangt,“ sagði Kasper á fundinum.
Fyrst var gefið út að Danir hefðu beðið um að fá að klára leikinn en seinna kom í ljós að þeim hefðu verið gefnir þrír valkostir, spila leikinn strax, fresta honum fram á sunnudag eða gefa leikinn.
„Finnið út úr þessu sjálf. Er það ósk leikmannanna að spila? Voru þeir í alvöru með valmöguleika? Ég held ekki.“
Eriksen sendi kveðju frá spítalanum í dag með Instagram-færslu.
View this post on Instagram
