Austurríski framherjinn Marko Arnautovic kom inn sem varamaður gegn Norður-Makedóníu á Evrópumótinu á sunnudaginn. Hann náði að skora eitt mark og en fagn hans vakti mikla athygli.
Hann virtist vera að ausa fúkyrðum yfir einhvern og David Alaba, fyrirliði Austurríki, greip um kjaft hans svo að hann myndi hætta þessu rugli. Einhverjir vilja meina að Arnautovic hafi þarna verið að öskra rasískum orðum í átt að Ezgjan Alioski, leikmanni Norður-Makedóníu, sem er af albönskum ættum.
Þessi fyrrum framherji West Ham segist ekki vera rasisti en staðfestir þó að hann hafi sagt einhver vel valin orð eftir að hann skoraði.
Nú hefur UEFA hafið rannsókn á þessu fagni Arnautovic og skoða hvort hann hafi gerst sekur um rasisma. Verði hann fundinn sekur gæti hann verið sendur heim af mótinu og settur í bann frá keppnum UEFA.
Austurríki spilar gegn Hollandi á fimmtudaginn klukkan 19.
