Skemmtileg mynd af stuðningsmönnum gekk um Twitter á meðan leikur Englendinga og Króata stóð yfir í dag.

Leikið var á Wembley í Lundúnum, heimavelli enska liðsins. Það vann leikinn 1-0 með marki frá Raheem Sterling á 57. mínútu.

Þegar Sterling fagnaði marki sínu reyndu tveir stuðningsmenn í stúkunni að komast aðeins nær hetjunni sinni og skutluðu sér á dúk neðst í stúkunni. Á myndinni má sjá annan þeirra reyna að klöngrast yfir hinn.

Enski miðillinn CaughtOffside var einn af þeim sem birti myndina á Twitter. Með henni var skrifað ,,Þetta er ástæðan fyrir því að við þurftum áhorfendur aftur á leiki.“

Myndina má sjá hér fyrir neðan.

This is why we've needed fans back at games 😂😂😂 pic.twitter.com/qc7OI9uKWc

— CaughtOffside (@caughtoffside) June 13, 2021