Granit Xhaka, miðjumaður Arsenal, er við það að ganga í raðir AS Roma á Ítalíu. Chris Wheatley hjá football.london greinir frá þessu.
Xhaka hefur verið hjá Arsenal frá því árinu 2016. Hann kom til félagsins frá Borussia Monchengladbach á 30 milljónir punda. Hann lék yfir 160 leiki fyrir enska félagið. Xhaka var fyrirliði liðsins en missti bandið um mitt tímabil 2019-2020 eftir að hafa rifist við stuðningsmenn í miðjum leik.
Roma mun greiða á bilinu 18-20 milljónir evra fyrir Xhaka. Þá mun Svisslendingurinn skrifa undir fimm ára samning.
Jose Mourinho stýrir Roma á næstu leiktíð. Hann er mikill aðdáandi Xhaka. Hann sagði hann til að mynda vera mikilvægasta leikmann Arsenal í viðtali fyrir tveimur árum síðan. ,,Hann er sannur leiðtogi,“ sagði Portúgalinn einnig um Xhaka.
Granit Xhaka has agreed a five year contract with Roma.
Fee is expected to be in the region of €18-20m.
He’ll become a Roma player very soon. 🔴 #AFC
— Chris Wheatley (@ChrisWheatley_) June 10, 2021