Daniel Sturridge, fyrrum leikmaður Liverpool, hefur verið kærður fyrir það að borga ekki fundarlaun eftir að hundurinn hans týndist sumarið 2019.

Sturridge greindi frá að hundinum hans hefði verið stolið en brotist var inn í hús hans í Los Angeles í Bandaríkjunum sem hann var með á leigu.

Framherjinn lofaði að borga há fundarlaun fyrir þann sem myndi finna hundinn og varð hann að ósk sinni. Hundurinn fanst en Sturridge sleppti því að borga. ,,Ég trúi þessu ekki. Ég vil bara þakka öllum á samskiptamiðlum sem sýndi okkur stuðning og komu skilaboðunum á framfæri. Ég er svo þakklátur,“ sagði Sturridge eftir að hundurinn.

Myndum af ungum dreng haldandi á Lucci var dreift á netið og var þar spurt hvort þetta væri hundurinn hans Sturridge. Það var bandarískur rappari sem fann hundinn en hann fékk þó ekki þessi umtöluðu fundarlaun sem Sturridge hafði boðið.

Rapparinn Killa Fame greindi frá því á Twitter síðu sinni að Sturridge hafi ekki borgað nærri þeirri upphæð sem hann lofaði. Hann hefur nú kært hann en hann kveðst aðeins hafa fengið 320 dollara.

Sturridge hafði lofað 30 þúsund dollurum í fundarlaun eða 3,6 milljónir íslenskra króna í fundarlaun fyrir Lucci.