Jamie Vardy, framherji Leicester, hyggst bjóða í bíl sem kom mikið fyrir í vinsælum sjónvarpsþáttum í Bretlandi á sínum tíma, The Inbetweeners. 

Sjálfur á Vardy rándýra Bentley bifreið en þar sem hann er mikill aðdáandi þáttanna, sem fjalla um unglinganna Will, Simon, Neil, Jay og heimskupör þeirra, vill hann eignast bílinn.

Bíllinn, sem er gulur, með einni rauðri hurð og af tegundinni Fiat Cinquecento Hawaii, er fáanlegur á uppboði í Bristol. Nú þegar hefur tilboð upp á 5500 pund, tæpa eina milljón króna, borist.

Einstaklingur sem er náinn Vardy sagði The Sun að leikmaðurinn vilji eiga bílinn sem safngrip.

Í þáttunum var Simon Cooper eigandi bílsins eftir að hafa fengið hann að gjöf frá föður sínum. Honum var mikið strítt fyrir að láta sjá sig á honum, enda bíllinn kannski ekki mikið fyrir augað.

Dæmi hver fyrir sig. Mynd af bílnum má sjá hér fyrir neðan.