Liverpool vann Southampton, 2-0, í lokaleik dagsins í ensku úrvalsdeildinni. Þeir eiga einn möguleika á að ná inn í Meistaradeildina á næsta tímabili.
Sadio Mane kom heimamönnum í Liverpool yfir eftir rétt rúman hálftíma leik. Markið skoraði hann eftir fyrirgjöf Mohamed Salah. Liverpool réði ferðinni algjörlega eftir markið. Þeir leiddu 1-0 í hálfleik.
Þrátt fyrir að vera betri þá gulltryggði Liverpool ekki sigurinn fyrr en í blálokin. Þá skoraði Thiago Alcantara sitt fyrsta mark fyrir félagið. Lokatölur urðu 2-0.
Liverpool er nú í sjötta sæti, 6 stigum á eftir Leicester í því fjórða. Liverpool á þó eftir að leika fjóra leiki á meðan Leicester á aðeins þrjá eftir.
Southampton er í sextánda sæti, þó 10 stigum fyrir ofan fallsvæðið.
