Í kvöld fór fram 32. umferð ítölsku deildarinnar. Juventus vann 3-1 sigur á Parma og tryggði sér þar með mikilvæg stig í Evrópubaráttunni. Þá gerði Inter 1-1 jafntefli við Spezia.
Brugman braut ísinn fyrir gestina í Parma eftir 25. mínútna leik með frábæru skoti. Juventus bættu í sóknarleikinn og jafnaði Alex Sandro metin rétt fyrir hálfleik. Hann var svo aftur á ferðinni í byrjun seinni hálfleiks þegar hann kom Juventus yfir með flottum skalla. De Ligt gulltryggði svo sigur heimamanna á 69. mínútu með skalla. Juventus kom sér upp í 3. sætið með sigrinum, einu stigi á eftir AC Milan í 2. sæti
Juventus 3 – 1 Parma
0-1 Brugman (´25)
1-1 Sandro (´43)
2-1 Sandro (´47)
3-1 de Ligt (´68)
Farias kom Spezia yfir snemma leiks með ágætis skoti sem Handanovic var þó ansi nálægt að verja. Inter sóttu stíft eftir markið og uppskáru á 40. mínútu þegar Perisic jafnaði metin. Ekki voru fleiri mörk skoruð í leiknum. Inter er enn í toppsæti deildarinnar með 10 stiga forskot á Milan í öðru sætinu.
Spezia 1 – 1 Inter
1-0 Farias (´12)
1-1 Perisic (´39)
Fimm öðrum leikjum í Seria A er lokið í dag. Andri Fannar Baldursson kom við sögu í leik Bologna og Torino. Hann kom inná á 9. mínútu en fór út af á 56. mínútu. Úrslit leikjanna má sjá hér að neðan.
Milan 1 – 2 Sassuolo
1-0 Calhanoglu (´30)
1-1 Raspadori (´76)
1-2 Raspadori (´83)
Bologna 1 – 1 Torino
1-0 Barrow (´25)
1-1 Mandragora (´58)
Crotone 0 – 1 Sampdoria
0-1 Quagliarella (´53)
Genoa 2 – 2 Benevento
0-1 Viola (´5)
1-1 Pandev (´11)
1-2 Lapadula (´15)
2-2 Pandev (´21)
Udinese 0 – 1 Cagliari
0-1 Pedro (´55)
