Richard Masters, framkvæmdarstjóri Ensku úrvalsdeildarinnar, segir vonir standa til þess að hægt verði að fylla leikvanga liða í ensku úrvalsdeildinni með stuðningsmönnum á næsta tímabili.

Ein af stóru áhrifum kórónuvveirufaraldursins á breskt samfélag er sú staðreynd að stuðningsmenn knattspyrnuliða hafa ekki mátt mæta á leiki hjá sínum liðum.

Knattspyrna er í hávegum höfð í Bretlandi og því um mikinn missi að ræða fyrir einstaklinga sem margir hverjir lifa fyrir knattspyrnu.

„Fyrsta skrefið hjá okkur er að sjá sigurvegara ensku úrvalsdeildarinnar lyfta bikarnum, vonandi fyrir framan rúmlega 10.000 áhorfendur. Síðan viljum við stefna að fullum leikvöngum í byrjun næsta tímabils,“ sagði Richard Masters, framkvæmdarstjóri ensku úrvalsdeildarinnar.

Áhorfendur voru leyfðir í takmörkuðum fjölda á leiki í ensku úrvalsdeildinni fyrir nokkrum mánuðum þegar árangur náðist í sóttvörnum í Bretlandi og landið náði að halda veirunni vel í burtu. Bretland gengur hins vegar núna í gegnum erfiðan tíma í kórónuveirufaraldrinum.

Það verður þvi mikið fagnaðarefni fyrir marga þegar stuðningsmönnum verður aftur hleypt á leikvanga.