Forráðamenn ensku úrvalsdeildarinnar leita allra leiða til að bæta VAR, myndbandskerfið sem notað er til að aðstoða dómara. Kerfið er á sínu öðru ári í ensku úrvaldeildinni og hefur fengið afar misjöfn viðbrögð.

Tæknin er notuð í öllum stærstu deildum í heimi en á Englandi hefur mikil óánægja verið með hana. Enska deildin ætlar að reyna að bæta þá hluti sem hafa farið úrskeiðis.

Enskir miðlar segja frá því að deildin sé nú að senda út bréf til forráðamanna, þjálfara og fyrirliða allra félaga í deildinni. Þeir eiga að setja saman hugmyndir til að breyta og bæta tæknina.

Allir aðilar fá til sín könnun um umdeild atriði á þessari leiktíð og eru beðnir um að segja sína skoðun á frammistöðu VAR.

VAR er notað þegar dómari hefur gert mistök eða til að skoða vafaatriði sem dómari leikins sér ekki, enska deildin ætlar að reyna að bæta ráð sitt fyrir næstu leiktíð.