Real Madrid er tilbúið að selja Raphael Varane í sumar ef marka má fréttir sem komu í erlendum miðlum í dag. Real Madrid þarf að safna fjármunum til að geta átt möguleika á Kylian Mbappe í sumar.
Í erlendum miðlum segir að Real Madrid sé tilbúið að selja Varane fyrir um 60 milljónir punda í sumar, þá mun hann eiga eitt ár eftir af samningi sínum.
Real Madrid ætlar að reyna að fjármagna kaup á Mbappe í sumar, félagið gæti selt Varane og þá vonast félagið til að losna við Gareth Bale af launaskrá fyrir fullt og allt. Félagið vonast eftir því að góðar frammistöður Bale síðustu vikur hjálpi til með það.
Manchester United hefur lengi verið orðað við Varane en vitað er að Ole Gunnar Solskjær vill kaupa miðvörð til félagsins í sumar.
Varane er 27 ára gamall en hann gekk í raðir Real Madrid árið 2011, hann hefur síðan þá reynst félaginu afar vel.
