Mauricio Pochettino, knattspyrnustjóri Paris-Saint Germain, telur að ekki muni líða að löngu þar til Kylian Mbappe, leikmaður liðsins, verði besti knattspyrnumaður í heimi.

Í raun telur Pochettino að Mbappé skorti aðeins meiri tíma og reynslu til þess að verða besti leikmaður í heimi.

Mbappe er aðeins 22 ára gamall en hefur þrátt fyrir það orðið Frakklandsmeistari í fjórgang og orðið heimsmeistari með franska landsliðinu.

„Hann hefur mögleikann á því (að verða betri en Messi og Ronaldo). Honum skortir ekki neitt nema meiri tíma. Við getum ekki hraðað ferlinu, hann er nú þegar á meðal bestu knattspyrnumanna í heiminum að mínu mati.

Mbappé hefur spilað 155 leiki fyrir Paris-Saint Germain, skorað 113 mörk og gefið 59 stoðsendingar.