Cristiano Ronaldo og fjölskylda hafa verið í sárum síðustu daga eftir að keyrt var á köttinn þeirra og hann barðist fyrir lífi sínu.
Ronaldo og fjölskylda keyptu Sphynx köttinn fyrir tveimur árum og borguðu hálfa milljón fyrir hann.
Fjölskyldan hefur átt erfitt eftir atvikið, kötturinn strauk af heimili þeirra á Ítalíu og var keyrt á hann í nágrenni við heimili þeirra.
Kötturinn var nær dauða en lífi en læknum tókst að bjarga honum, Ronaldo og Georgina Rodriguez létu fljúga honum til Spánar í endurhæfingu.
Kötturinn dvelur nú hjá systur Georgina á Spáni þar sem hann jafnar sig. Kötturinn ber nafnið Pepe en hann fór með einkaflugvél til Spánar til að hefja endurhæfingu sína.
