„Þetta hef­ur verið frá­bær tími þótt mér líði eins og það sé óra­langt síðan ég spilaði minn fyrsta leik í deild­inni,“ segir Gylfi Þór Sigurðsson árin níu sem hann hefur spilað í ensku úrvalsdeildinni. Viðtalið við Gylfa birtist á Síminn Sport og má sjá það í heild hérna.

Gylfi hefur leikið með Swansea, Tottenham og nú Everton í þessari sterku deild og yfirleitt haft stórt hlutverk í sínu liði.

Gylfi var 15 ára þegar hann flutti út til Englands og gekk í raðir Reading frá Breiðabliki. Eftir þrjú ár í unglinga og varaliði Reading vildi Gylfi fara að spila með karlmönnum og var lánaður til Shrewsbury og Crewe í neðri deildum Englands.

„Það var gríðarlega mik­il­vægt fyr­ir mig að spila með full­orðnum karl­mönn­um því ég hefði lítið grætt á því að spila ein­hverja varaliðsleiki.“

Gylfi ráðlegur ungum mönnum sem eru í unglinga eða varaliði að grípa tækifærið ef það gefst, það sé mikilvægt að spila með karlmönnum. „Ég spilaði í bæði B-deild­inni og C-deild­inni og ég græddi á því að fá að spila því ung­ir leik­menn þurfa fyrst og fremst að spila fót­bolta. “

„Það er eng­inn til­gang­ur að hanga bara og bíða eft­ir hlut­un­um á æf­inga­svæðinu,“ segir einn besti knattspyrnumaður í sögu Íslands í viðtali sem Morgunblaðið birti frá Símanum.