Liverpool vann sannfærandi 3-1 sigur á Arsenal í stórleik 3. umferðar ensku úrvalsdeildarinnar í gær. Leikurinn fór fram á Anfield í Liverpool. Liverpool var sterkari aðilinn í leiknum en það var Arsenal sem skoraði fyrsta mark leiksins. Alexandre Lacazette kom þeim yfir á 25. mínútu.
Leikmenn Liverpool voru hins vegar fljótir að svara fyrir sig. Sadio Mané jafnaði leikinn á 28. mínútu og Andrew Robertson kom heimamönnum yfir á 34. mínútu. Alexandre Lacazetta fékk tækifæri til þess að jafna leikinn fyrir Arsenal í seinni hálfleik en Alisson sá við honum í marki Liverpool.
Það var Diego Jota sem innsiglaði sigur Liverpool með sínu fyrsta marki fyrir félagið á 87. mínútu.
Eftir leik mætti Jurgen Klopp í viðtal við Sky Sports þar sem Roy Keane var í hlutverki sérfræðings, Klopp heyrði hluta af því sem Keane var að tala um og var ekki hrifinn.
Sjón er sögu ríkari.
🗣️ "Did Mr Keane say it was a sloppy performance? Maybe he is speaking about another game…" 👀
Jurgen Klopp v Roy Keane 🍿 pic.twitter.com/MIw47L6N0o
— Sky Sports Premier League (@SkySportsPL) September 28, 2020
