Árangur FH undir stjórn Eiðs Smára Guðjohnsen og Loga Ólafssonar hefur vakið verðskuldaða athygli en liðið situr nú í öðru sæti efstu deildar karla. Eiður og Logi tóku við liðinu um mitt sumar, liðið hefur unnið 8 af ellefu leikjum sínum undir stjórn þeirra.
Eiður og Logi tóku við FH þegar Ólafur Kristjánsson stökk á tilboð Esbjerg í Danmörku en samningur Eiðs Smára og Loga rennur út eftir tímabilið.
FH-ingar hafa mikinn áhuga á því að halda Eiði og Loga í starfi en viðræður um slíkt hafa átt sér stað, enginn niðurstaða virðist þó vera kominn í það mál. Eiður og Logi fengu Eggert Gunnþór Jónsson og Ólaf Karl Finsen til FH í félagaskiptaglugganum og hafa þeir báðir styrkt leik liðsins
„Ég verð á hliðarlínunni næsta fimmtudag,“ sagði Eiður Smári við Morgunblaðið um framtíðina sína.
Hann vill ekkert gefa um hvort hann og Logi ætli sér að halda áfram með liðið. „Það hefur gengið vel og ég er ánægður með stígandann sem er í liðinu en meira get ég ekki sagt um það,“ sagði Eiður við Morgunblaðið.
Eiður Smári er að auki aðstoðarþjálfari u21 árs landsliðsins þar sem Arnar Þór Viðarssonr ræður ríkjum.
Deildarleikir Eiðs Smára og Loga með FH:
KA – (0-0 jafntefli)
Grótta (2-1 sigur)
KR (2-1 sigur)
Stjarnan (2-1 tap)
HK (4-0 sigur)
Breiðablik (3-1 sigur)
Víkingur (1-0 sigur)
Fylkir (4-1 sigur)
Valur (3-1 tap)
Fjölnir (1-0 sigur)
11 leikir (8 sigrar – 1 jafntefli – 2 töp) 25 stig af 33 mögulegum