Lúðvík Jónasson fyrrum varnarmaður í Stjörnunni var gestur í Harmageddon á X-977 í gær og fór yfir efstu deild karla. Þessi fyrrum knattspyrnumaður er í dag umsvifamikill í auglýsingabransanum á Íslandi.
Lúðvík er þekktur fyrir að liggja ekki á skoðunum sínum og lína hans í viðtali við Stöð2 fyrir nokkrum árum. „Kóngur Íslands þarf ekki svoleiðis. Million-dollara andlit,“ er lína sem margir kannast við. Lúðvík var þá spurður hvort hann væri að nota nýja stefnumótasíðu.
Lúðvík fór yfir umferðina sem fam fór í gær og byrjaði á 2-3 sigri Stjörnunnar í Kórnum gegn HK. „Ég veit ekki hvort við gerðum eitthvað rétt, fínn fyrri hálfleikur en lélegir í seinni. Nauðsynlegt upp á Evrópubaráttu, Hilmar á að vera að skora mörk. Hann er betri þarna vinstra megin. Lélegur varnarleikur hjá Stjörnunni,“ sagði Lúðvík á X977 í dag.
Hann segir að vonbrigði sumarsins séu í Víkinni. ,,Arnar Gunnlaugsson er byrjaður að versla fyrir næsta ár, Víkingar eru mestu vonbrigði sumarsins. Ég hafði aldrei trú á þeim.“
Rangur dómur í Vesturbænum:
Á Meistaravöllum fór fram barátta KR og Fylkis í efstu deild karla í gær, lið sem eru að reyna ná Evrópusæti í deildinni. Orri Hrafn Kjartansson kom Fylki yfir á 32. mínútu. Óskar Örn Hauksson jafnaði metin fyrir KR á 48. mínútu. Ragnar Bragi Sveinsson, fyrirliði Fylkis var sendur í sturtu eftir glórulausa tæklingu á Kristinn Jónsson á 59. mínútu.
Beitir Ólafsson, markvörður KR, fékk síðan að líta rauða spjaldið á 94. mínútu fyrir að hafa gefið Ólafi Inga Skúlasyni leikmanni Fylkis högg í andlitið. „Pablo Punyed átti að fá tvö gul spjöld, þessi völlur hjá KR er ekki boðlegur. Þetta er eins og að spila leik í Sundhöllinni, alltof mikið af pollum. Mótið er öðruvísi en er boðlegt að spila á grasvöllum, verður ekki að spila þetta á gervigrasi?.“
Um hitann í kringum Ólafs Inga og Beitis sagði Lúðvík. ,,Þetta var rautt spjalden þetta var brot á Ólaf. Hann fer í bakið á honum, þarna fer línuvörðurinn að gera rósir sem hann á ekkert að gera.“
Rúnar Kristinsson vandaði Ólafi Inga ekki kveðjurnar eftir leik. ,,Það er margt rétt í þessu, Ólafur ýkir þetta hressilega. Ólafur Ingi er í sportinu til að vinna, hann notar dirty tricks. KR átti að fá aukaspyrnu og Beitir rautt fyrir að setja höndina í andlitið á honum.“
Hrósar Óskari Hrafni:
Lúðvík er þekktur fyrir að láta Breiðablik heyra það en hann hrósaði þeim fyrir frammistöðuna gegn Stjörnunni í miðri síðustu viku og svo gegn Val í gær ,,Það ber að hrósa Blikunum, yfirspiluðu Stjörnuna. Blikarnir áttu að vinna Val, ég veit ekki með vafaatriði í lokinn. Ef það er búið að flagga þá hlýtur það að vera rangstæða, Valur er að fá hagnaðinn. Bakverðir á Íslandi sjá ekki mann og bolta, Róbert Orri veit ekkert hvar Birkir er.“
Þorkell Máni minnti Lúðvík á það að Stjarnan, lið Lúðvíks hefði reynt að fá Róbert Orra Þorkelsson. ,,Við erum meira fyrir Hrafnistu mennina, við viljum gamla karla. Það þarf að yngja upp í Garðabænum,“ sagði Lúðvík en hann telur lið Stjörnunnar og gamalt.
Til hamingju Dagur B og Valsarar:
Lúðvík segir ljóst að Valur vinni deildina og hann sendir pillu á borgarstjórann. ,,Það er hægt að óska Degi B og Valsmönnum til hamingju með dolluna, 3 stig hjá Blikum þá hefði verið örlítið eftir. Valur er með níu og hálfan á fingrinum á dollunni, ég sé ekki að Valur tapi mörgum leikjum það sem eftir eru.“
Að lokum ræddi Lúðvík um stöðuna hjá KA en liðið vann góðan sigur á Gróttu í gær. ,,Ég trúi ekki að Samherja veldið sé ánægt með stöðuna, það er búið að dæla peningum þarna inn. Þeir er ættu kannski að ná í léttleikandi menn frá Afríku, hressa upp á sóknarleikinn,“ sagði Lúðvík léttur.