Neymar leikmaður PSG í Frakklandi vakti athygli á dögunum þegar hann hætti að leika í skóm frá Nike og samdi við Puma.
Puma er í sókn þegar kemur að því að koma bestu knattspyrnumönnum í heimi í sína skó. Þannig fær Neymar um 4 milljarða íslenskra króna á hverju ári fyrir að klæðast skóm frá Puma.
Neymar er einn vinsælasti leikmaður í heimi og hefur Puma ákveðið að fjárfesta vel í honum til að koma vörum sínum á framfæri.
Um er að ræða stærsta samning sem knattspyrnumaður hefur fengið en Lionel Messi og Cristiano Ronaldo koma þar á eftir.
Messi leikur í skóm frá Adidas en Ronaldo er í skóm frá Nike en Kylian Mbappe þénar ögn minna en Ronaldo.