Southampton tók á móti Tottenham í ensku úrvalsdeildinni í gær. Heung-Min Son átti stórleik fyrir Tottenham. Danny Ings kom Southampton yfir þegar rúmur hálftími var liðinn af leiknum. Heung-Min Son náði að jafna metin fyrir Tottenham skömmu fyrir hálfleik og voru liðin því jöfn þegar seinni hálfleikurinn byrjaði. Son var þó ekki lengi að koma Tottenham yfir en hann skoraði sitt annað mark tveimur mínútum eftir að seinni hálfleikur hófst.
Tæpum 20 mínútum síðar skoraði Son sitt þriðja mark og 9 mínútum eftir það skoraði hann sitt fjórða mark. Þegar um 8 mínútur voru eftir af leiknum náði Harry Kane að skora fimmta mark Tottenham-liðsins. Á lokamínútunum fékk Southampton víti sem Ings tók og skoraði hann úr því. Lokaniðurstaðan því góður 2-5 sigur Tottenham í leiknum.
Það vakti athygli fyrir leik að Dele Alli var annan leikinn í röð ekki í leikmannahópi Tottenham, ensk blöð fullyrða að Jose Mourinho vilji losna við hann úr hópnum.
Dele hefur ekki fundið sitt gamla form síðustu mánuði og tölfræði hans fer niður á við. Leikmenn Tottenham eru sagðir hissa á þeirri meðferð sem Dele má þola en gæti þetta verið ástæðan fyrir því að Jose Mourinho vill hann burt?
