DailyMail greinir frá þessu. Atvikið sem um ræðir átti sér stað í mögnuðum leik PSG gegn Marseille í síðustu viku en fimm leikmenn fengu rautt spjald í leiknum. Neymar, leikmaður PSG, sakaði Gonzales um að hafa blótað sér með kynþáttahatri en þjálfari Marseille, Andre Villas-Boas, varði leikmanninn sinn og sagði hann ekki vera rasista. Þá sagði Villas-Boas að Di Maria hafi skyrpt á Gonzalez.
Í myndbandinu sem um ræðir sést að ásakanir Villas-Boas eru ekki innantómar. Di Maria sést skyrpa í áttina að Gonzales í myndbandinu. Pascal Garibian, VAR dómari leiksins, útskýrði eftir leikinn að hann hafi ekki séð Di Maria skyrpa. „Það þýðir ekki að það gerðist ekki en það er ekkert á myndbandi hjá okkur,“ sagði Garibian.
En nú hefur myndband verið birt sem sýnir Di Maria skyrpa og því gæti hann verið í hættu á að fá bann. Þessa dagana er sérstaklega illa litið á það að leikmenn séu að skyrpa vegna kórónuveirunnar.