Sky Sports segir að Arsenal vilji klára kaup sín á Rúnari Alex Rúnarssyni í hvelli og hafa hann í hóp um helgina gegn West Ham. Samkvæmt heimildum 433.is er allt komið langt á veg og ættu skiptin að fara í gegn á allra næstu dögum.
Arsenal þarf að klára kaupin fyrir hádegi á föstudag svo að Rúnar geti verið í hóp um helgina.
Arsenal seldi í dag Emiliano Martinez sem var annar kostur félagsins í markið á eftir Bernd Leno. Rúnar Alex tekur hans stöðu.
Stuðningsmenn Arsenal virðast ansi spenntir yfir því að fá Rúnar Alex til félagsins ef marka má umræðu af samfélagsmiðlum.
Rúnar er 25 ára gamall og hefur leikið í Danmörku og nú í Frakklandi með Dijon en kaupverðið ku vera 1,5 milljón punda.