Hólmfríður Magnúsdóttir kom Selfyssingum yfir snemma í leiknum og bætti hún síðan við öðru marki um 10 mínútum síðar. Skömmu fyrir hálfleik var Hólmfríður aftur á ferðinni en í þetta sinn var hún með stoðsendingu á Tiffany Janea McCarty sem skoraði þriðja markið.
Í seinni hálfleik náði Clara Sigurðardóttir að skora fjórða mark Selfyssinga á 54. mínútu. Þegar 8 mínútur voru eftir af venjulegum leiktíma náði Hólmfríður síðan að skora sitt þriðja mark og gulltryggði hún þar með 0-5 sigur fyrir Selfoss.