Skoruð hafa verið samtals 166 mörk í deildinni í þessum 8 umferðum. Keflavík er það lið sem hefur skorað flest mörk, eða 25 mörk, en liðið situr þessa stundina í þriðja sæti deildarinnar. Leiknir, sem situr í efsta sæti, er með næst flest mörk en liðið hefur skorað 22 mörk. Það kemur eflaust að lið Aftureldingar er í þriðja sæti miðað við flest skoruð mörk, eða 20 mörk, en liðið situr þrátt fyrir það í áttunda sæti deildarinnar.
Tveir leikmenn í deildinni hafa skorað flest mörk. Það eru þeir Gary Martin, leikmaður ÍBV, og Josep Arthur Gibbs en báðir hafa skorað 8 mörk í 8 leikjum. Gary Martin situr fyrir ofan Gibbs á listanum þar sem eitt mark Gibbs kom úr vítaspyrnu.
Andri Freyr Jónasson er í þriðja sæti listans en hann hefur skorað 6 mörk í 8 leikjum. Í fjórða sætinu situr leikmaður Fram, Frederico Bello Saraiva, en hann er með 5 mörk í 7 leikjum. Sólon Breki Leifsson og Vuk Oskar Dimitrijevic, leikmenn Leiknis R. eru báðir einnig með 5 mörk en þó í 8 leikjum. Alvaro Montejo Calleja, leikmaður Þórs er jafn þeim, líka með 5 mörk í 8 leikjum.
Hér fyrir neðan má sjá stöðuna í Lengjudeildinni: