Í viðtalinu sagði Lingard að hann spili reglulega tölvuleikinn Call of Duty: Warzone með félögum sínum. „Við erum nokkrir sem spilum reglulega,“ sagði Lingard og nefndi nokkur nöfn. Hann nefndi liðsfélaga sína í Manchester United, þá Marcus Rashford, Brandon Williams, Paul Pogba og Dan James.
Þá nefndi hann einnig Jadon Sancho, leikmann Borussia Dortmund, en Sancho hefur verið sterklega orðaður við Manchester United í allt sumar. Sancho hefur greinilega verið að spila tölvuleikinn með leikmönnum Manchester United og grunar marga sterklega að það þýði að hann sé á leiðinni til Manchester.