Boltinn er byrjaður að rúlla aftur á Íslandi eftir kórónuveirupásuna. Hér fyrir neðan má sjá úrslit leikjanna sem fóru fram í Pepsi Max-deild karla í dag.
ÍA 3-2 Fylkir
Arnór Ragnarsson náði að brjóta ísinn í leiknum með marki fyrir Fylki á 39. mínútu. Fleiri mörk voru ekki skoruð í fyrri hálfleik og var staðan því 0-1 fyrir Fylki í hálfleik.
Á 55. mínútu náði Steinar Þorsteinsson að jafna metin fyrir Skagamenn og 20 mínútum síðar náði Stefán Þórðarson að koma heimamönnum yfir. Orri Stefánsson jafnaði leikinn á ný fyrir Fylkismenn þegar lítið var eftir af leiknum og virtist allt stefna í jafntefli.
Í uppbótartíma fékk ÍA þó víti, Tryggvi Haraldsson fór á punktinn og skoraði sigurmark leiksins. Lokaniðurstaðan því 3-2 fyrir ÍA.
Valur 1-0 KA
Kristinn Freyr Sigurðsson kom Völsurum yfir á fyrstu mínútum leiksins. KA-ingar reyndu hvað þeir gátu að jafna metin undir lok síðari hálfleiks en allt kom fyrir ekki. Mark Kristins reyndist vera sigurmarkið og Valur eykur forskot sitt á toppi deildarinnar.
