„Á kynningarfundi okkar fyrr í dag var fjallað um framkvæmd leikja og að gert væri ráð fyrir að leikið yrði án áhorfenda á næstunni. Þetta var byggt á upplýsingum sem KSÍ og ÍSÍ fengu fyrr í vikunni frá heilbrigðisyfirvöldum og er í samræmi við minnisblað sem birt er með auglýsingu heilbrigðisráðherra í dag,“ segir í pósti sem KSÍ sendi á aðildarfélögin en Fótbolti.net birti póstinn.
Þá segir í póstinum að það sé ekkert sem segi að leikið verði án áhorfenda í tilkynningunni sem heilbrigðisyfirvöld gáfu út í dag. „Í auglýsingu ráðherra kemur hins vegar ekkert fram um að leikið sé án áhorfenda, heldur að það sé ÍSÍ að setja reglur um áhorfendur og fleira Við bíðum eftir skýringum á þessu og látum ykkur vita um leið og við fáum staðfestingu.“