Undrabarnið Gabriel Martinelli hefur skrifað undir nýjan langtímasamning við Arsenal.
Þetta var staðfest í kvöld en Martinelli er 19 ára gamall og kom til Arsenal fyrir þessa leiktíð.
Það er nákvæmlega eitt ár síðan Martinelli samdi við Arsenal og hefur hann staðið sig með prýði hingað til.
Martinelli er fyrsti táningur Arsenal til að skora 10 mörk á tímabili síðan Nicolas Anelka gerði það árið 1999.
Martinelli er annar leikmaðurinn til að framlengja á stuttum tíma en á dögunum skrifaði Bukayo Saka undir samning.