Jurgen Klopp, stjóri Liverpool, virtist skjóta á David Luiz, varnarmann Arsenal, eftir leik við liðið í kvöld.
Liverpool tapaði 2-1 gegn Arsenal á Emirates eftir tvö varnarmistök frá Virgil van Dijk og Alisson Becker.
Eftir leik þá sagði Klopp að mistök væru hluti af leiknum og gerði um leið grín að Luiz sem spilar með Arsenal.
,,Strákarnir mínir munu vilja vinna í næstu viku [gegn Chelsea]. Við höfum beðið eftir þessu lengi og sumir í 30 ár. Þetta verður stór stund fyrir okkar fjölskyldur en það er leikur þarna á milli,“ sagði Klopp en Liverpool fær titilinn afhentan eftir þann leik.
,,Það eru fimm milljón ástæður fyrir því að við viljum vinna þennan leik. Við erum meistararnir og vorum það eftir 31 leik.“
,,Við fáum þau stig sem við eigum skilið. Við höfum átt frábært tímabil og enginn tekur það af okkur.“
,,Er einhver hissa á að Van Dijk og Alisson séu mannlegir? Ég er það ekki. Þarf ég David Luiz? Hann er búinn að skrifa undir nýjan samning, ha?“