Carlos Carvalhal, fyrrum stjóri Swansea, lenti í óhugnanlegu atviki fyrir utan heimili sitt í Portúgal í gær.

Carvalhal er í dag stjóri Rio Ave í portúgölsku úrvalsdeildinni og var að koma heim eftir jafntefli við Maritimo.

Þrír menn voru mættir fyrir utan hús Carvalhal er hann mætti heim og voru þeir allir vopnaðir hnífum.

Sem betur fer þá sluppu Carvalhal og sonur hans nokkuð vel en þeir reyndu upphaflega að stöðva mennina með afli.

,,Ég var á leið heim til Braga frá Madeira í gær og þrír grímuklæddir menn réðust að mér um klukkan 02:15,“ sagði Carvalhal.

,,Fyrstu viðbrögð mín voru að verja sjálfan mig – það var kannski áhættusöm ákvörðun.“

,,Með hjálp sonar míns, Jose Carlos, þá náðum við að sleppa. Við erum með nokkra skurði en ekkert alvarlegt.“

Enski boltinn á 433 er í boði