Jose Mourinho, stjóri Tottenham, hefur tjáð sig um ákvörðun UEFA að aflétta Meistaradeildarbanni Manchester City.
UEFA greindi frá því á mánudag að City myndi ekki fara í tveggja ára bann og var sekt félagsins lækkuð úr 30 milljónum evra niður í 10.
City var ákært fyrr á tímabilinu fyrir að hafa brotið fjárlög sambandsins en var ekki lengi að áfrýja þeim dóm.
Mourinho segir að það sé vitleysa að sekta City um 10 milljónir ef félagið gerði ekkert af sér.
,,Þetta er skammarleg ákvörðun því ef City gerði ekkert af sér þá er þeim ekki refsað um 10 milljónir evra,“ sagði Mourinho.
,,Ef þú ert ekki sekur þá færðu ekki sekt. Ef þeir eru sekir þá er ákvörðunin líka skammarleg því þeir eiga að fara í bann frá keppninni.“
,,Ég veit ekki hvort City hafi gert eitthvað af sér eða ekki en þetta ákvörðunin er skammarleg hvort eð er.“