Ronaldinho, einn besti knattspyrnumaður síðari ára, er enn fastur á hóteli í Paragvæ og má ekki fara út.
Ronaldinho var handtekinn á síðasta ári en hann var gómaður með falskt vegabréf er hann flaug til Paragvæ.
Hann og bróðir hans, Roberto de Assis, voru ákærðir í mars og eyddu alls 32 dögum á bakvið lás og slá.
Ronaldinho tókst síðar að borga 1,3 milljónir punda og voru hann og bróðir hans færðir í gott hótel þar sem allt er til alls.
Tvímenningarnir áfrýjuðu dómnum í síðasta mánuði en henni hefur nú verið hafnað.
Bræðurnir verða því fastir á hótelinu næstu vikurnar en Ronaldinho hefur ávallt neitað sök í málinu.