Victor Font, mögulegur framtíðarforseti Barcelona, ætlar að losa stjórann Quique Setien ef hann tekur við taumunum.
Forsetakosningar Barcelona munu fara fram á næsta ári og vill Font taka yfir af Josep Maria Bartomeu.
Setien tók við Barcelona fyrr á þessu tímabili en hann er nú þegar orðaður við sparkið.
,,Hann er stjóri Barcelona í dag og þess vegna á hann skilið alla okkar virðingu og stuðning,“ sagði Font.
,,Persónulega þá hefur mér alltaf líkað við hann en það er líka satt að hann er ekki sá sem við viljum hafa fyrir framtíðina.“
Font vill ráða Xavi, fyrrum miðjumann Barcelona, til starfa en hann er í dag í Katar.