Brescia, félag Mario Balotelli, skaut föstum skotum á leikmanninn á heimasíðu sinni í gær.
Balotelli er á förum frá Brescia en hann er ósáttur hjá félaginu og segir það mistök að hafa skrifað undir þar á síðasta ári.
Brescia segir að Balotelli hafi mætt til æfinga átta kílóum of þungur og að hann sé í dag tæplega 100 kíló.
Balotelli var refsað fyrir svipað mál árið 2018 þegar hann spilaði með franska félaginu Nice.
Forseti Brescia, Massimo Cellino, viðurkenndi það í viðtali fyrr á árinu að það hefðu verið mistök að semja við stjörnuna.
Balotelli er launahæsti leikmaður Brescia og fær um 160 þúsund pund á viku.