Sara Björk Gunnarsdóttir hefur skrifað undir samning við franska stórliðið Lyon.
Þetta var staðfest í dag en Sara hefur undanfarin fjögur ár spilað með Wolfsburg í Þýskalandi.
Landsliðsfyrirliðinn endaði dvöl sína hjá Wolfsburg með deildarmeistaratitli en hún vann hann fjögur ár í röð.
Sara býr yfir gríðarlegri reynslu en hún á einnig að baki 131 landsleik fyrir Ísland og spilaði á EM 2009, 2013 og 2017.
Sara var einnig valin íþróttamaður ársins árið 2018 og fær nú tækifæri á að spila fyrir besta kvennalið heims.
,,Ég er mjög ánægð með að vera komin til Lyon og hlakka til að spila fyrir besta félag heims með leikmönnum í heimsklassa,“ sagði Sara eftir undirskriftina.