Félög í ensku úrvalsdeildinni ætla að gera allt til þess að klára deildina, líklega verður ekki hægt að hefja leik fyrr en í júní eða júlí.

Allt kapp verður lagt á að ljúka leik en kórónuveiran kom í veg fyrir að deildin gæti haldið áfram.

Miklir fjármuni eru í húfi fyrir félögin, ensk blöð segja í dag að einn möguleikinn sé að aðeins tvær vikur verði á milli tímabila.

Þannig yrði hægt að hefja næsta tímabil í ágúst, en þó ekki á réttum tíma. Deildin á að hefjast í upphafi ágúst mánaðar en líklega verður því aðeins frestað.

Forráðamenn ensku deildarinnar funda reglulega til að leita lausna og hafa verið með stjórnvöld á fundum með sér.

Enski boltinn á 433 er í boði