Kyle Walker, bakvörður Manchester City og enska landsliðsins hefur beðist afsökunar á því að hafa keypt þjónustu vændiskvenna í vikunni. Ensk blöð fjalla um málið og Walker hefur játað brot sitt.
Útgöngubann er í Bretlandi og því er það í raun ólöglegt að bjóða fólki heim til sín, reglurnar eru skýrar. Louise McNamara sem er 21 árs og stelpa frá Brasilíu sem er 24 ára mættu heimt til Walker á þriðjudagskvöld. Eftir að Walker hafði óskað eftir þjónustu þeirra var þeim keyrt heim til Walker, sem býr í úthverfi Manchester.
Hann borgaði stelpunum 2200 pund áður en haldið var inn í svefnherbergi, þær dvöldu á heimili Walker í þrjá og hálfa klukkustund. Tæpar 400 þúsund krónur sem Walker lét stelpurnar fá.
,,Kyle hefði átt að vita betur, hann bauð ókunnugum stelpum heim til sín og vildi kynlíf. Sama dag hafði hann ráðlagt fólki að halda sig heim,“ sagði Louise McNamara.
Walker sér eftir þessu og sendi frá sér yfirlýsingu. ,,Ég vil biðjast afsökunar á þeim ákvörðunum sem ég tók í síðustu viku. Ég skil að í stöðu minni sem atvinnumaður, þá ber ég ábyrgð og er fyrirmynd,“ sagði Walker.
,,Ég vil biðja fjölskyldu mína, vini, fótboltafélagið mitt og alla afsökunar, á að hafa brugðist þeim.“
Walker hefur mikið verið í fréttum en hann hélt framhjá unnustu sinni á síðasta ári og barnaði aðra konu þá, eftir það slitu þau hjónabandi sínu. ,,Við erum svekktir að heyra af þessum ásökunum í garð Kyle, málið verður skoðað innan félagsins,“ sagði Manchester City í yfirlýsingu sinni.