SK Zilina í Slóvakíu er fyrsta atvinnumannafélagið sem verður gjaldþrota vegna COVID-19 veirunnar.
Félagið var ansi stórt þar í landi og hafa fréttir af gjaldþroti þess vakið mikla athygli.
Leikmenn félagsins neituðu að lækka laun sín og þess vegna tók félagið þessa ákvörðun.
SK Zilina mætti til Íslands árið 2011 og mætti þá KR, liðið tapaði 3-0 á KR-velli en vann heimaleik sinn 2-0. KR fór því áfram.
Í marki SK Zilina stóð þá Martin Dubravka sem í dag stendur vaktina í marki Newcastle, í ensku úrvalsdeildinni.