Enska úrvalsdeildin hefur staðfest það að enska úrvalsdeildin muni ekki fara af stað þann 30. apríl.
Þetta kom fram í tilkynningu í kvöld en eins og flestir vita hefur kórónaveiran sett helstu deildir Evrópu í pásu.
Stefnt var að því að deildin myndi hefjast á ný þann 30. apríl en ástandið hefur alls ekki batnað.
Yfir 700 manns hafa látist vegna veirunnar í Bretlandi og er faraldurinn ekki að hægja á sér.
Það verður aðeins byrjað að spila á ný þegar ástandið hefur batnað kom einnig fram í tilkynningunni.
