Fylkir og Víkingur Reykjavík áttust við í Lengjubikarnum í upphafi mánaðar en þeim leik lauk með 0-2 sigri Víkinga. Óhugnanlegt atvik átti sér stað í leiknum þegar Halldór Smári Sigurðsson, varnarmaður Víkings fékk þungt höfuðhögg í leiknum og óttuðust margir það versta. Hann lenti í samstuði við Arnór Gauta Ragnarsson, sóknarmann Fylkis.
,,Leikurinn var stöðvaður í um fimmtán mínútur, um tíma hélt óttaðist ég hreinlega um líf Halldórs,“ sagði áhorfandi á vellinum í samtali við 433.is um eftir leikinn.
Halldór ræddi þetta óhuganlega atvik við Jóhann Skúla í Draumaliðinu og fór yfir stöðuna á sér í dag.
,,Heilsan er nokkuð góð, ég fór í vinnuna í gær í fyrsta sinn eftir tveggja vikna frí. Mér líður vel, ég hef ekki verið með hausverk síðan í síðustu viku. Ég er búinn að vera að æfa með styrktarþjálfara, passa að ég fari ekki yfir eitthvað ákveðið í púls,“ sagði Halldór.
EFtir að hafa verið útskrifaður af spítala hélt Halldór heim á leið en þar fékk hann annað högg.
,,Höfuðhögg kom þarna á föstudeginum, tveimur dögum eftir það leið yfir mig heima. Ég fékk annað höfuðhögg, ég sat í eldhúsinu og það leið yfir mig.“
