Lionel Messi, einn besti knattspyrnumaður sögunnar hefur lagt til 1 milljón evra í baráttuna gegn kórónuveirunni.
Hann skiptir upphæðinni á milli aðila í Barcelona og í heimalandi sínu Argentínu.
Pep Guardiola, fyrrum þjálfari Messi og stjóri Manchester City lagði þessa sömu upphæð til aðila í Barcelona í gær.
Baráttan gegn kórónuveirunni er að ná hámarki víða í Evrópu og dauðsföllum hefur fjölgað hratt á Spáni.
Messi og Guardiola vilja með þessu hjálpa til að kaupa allan þann búnað sem þarf til þess að fólk lifi af.