Xabi Alonso var hársbreidd frá því að semja við Arsenal árið 2009 áður en hann gekk í raðir Real Madrid frá Liverpool.
Þetta segir Cesc Fabregas, fyrrum liðsfélagi Alonso í spænska landsliðinu, en Arsenal gerði ekki allt mögulegt til að kaupa miðjumanninn.
,,Hann dauðlangaði að koma. Ég grátbað alla um að koma til Arsenal og hann vildi það mikið,“ sagði Fabregas.
,,Ég ræddi við hann í síma allt sumarið. Ég gerði mitt besta. Ég ræddi við þá sem ég þurfti að ræða við og gaf mína skoðun.“
,,Ég taldi hann hafa hentað okkur frábærlega á þessum tíma. Ég verð að segja að ég hafi orðið verulega pirraður yfir því hversu lítið var reynt á lokasprettinum.“
,,Þetta var svo nálægt því að gerast, leikmaðurinn vildi koma og það var auðvelt að klára þetta.“
Enski boltinn á 433 er í boði 
