Roberto Martinez, landsliðsþjálfari Belgíu, er viss um að Eden Hazard verði klár fyrir EM í sumar.
Hazard meiddist nýlega illa í leik með Real Madrid og verður frá í þrjá til fjóra mánuði.
EM fer fram næsta sumar en Martinez er enn vongóður um að fyrirliðinn verði orðinn klár.
,,Það voru allir svekktir eftir nýjustu meiðslin hans en svona er líf knattspyrnumanns,“ sagði Martinez.
,,Á síðustu átta árum þá missti hann af mjög fáum leikjum en ég er handviss um að hann nái síðasta leik La Liga í sumar og verði mikilvægur fyrir Real.“
