Michael Carrick, aðstoðarþjálfari Manchester United segir að Fred hafi bjargað ferli sínum hjá félaginu með því að leggja gríðarlega mikið á sig.

Fred gat ekkert á sínu fyrsta tímabili og virtist eins og United hefði hent 50 milljónum punda í ruslið, hann hefur verið einn af skárri leikmönnum United í ár.

,,Hann hefur gert frábærlega, það er aldrei einfalt að koma inn. Sagan segir okkur það,“ sagði Carrick

,,Þegar þú skoðar sögu félagsins, þá hafa nýir leikmenn stundum verið í vandræðum til að byrja. Það er ekki sönnun þess að þeir séu slakir leikmenn.“

Hann segir að Fred hafi bjargað ferli sínum með því að leggja mikið á sig. ,,Enska úrvalsdeildin er öðruvísi en aðrar deildir, það tekur tíma að aðlagast. Ég verð að hrósa Fred, hann gafst ekki upp. Hann lærði og hefur viljað leggja gríðarlega mikið á sig.“

Enski boltinn á 433 er í boði