Forráðamenn Liverpool, munu leggja inn beiðni hjá borgaryfirvöldum í Liverpool í vikunni til þess að fá heimild fyrir því að stækka heimavöll sinn Anfield, nánar tiltekið Anfieild Road stúkuna. Þetta herma heimildir The Athletic.
Stækkunin mun gera félaginu kleift að geta tekið á móti 61.000 áhorfendum á leikdegi, fari það svo að borgaryfirvöld heimili stækkunina.
Völlurinn í sinni núverandi mynd getur tekið á móti um það bil 54.000 áhorfendum. Stækkunin er talin kosta um það bil 60. milljónir punda, það gera um það bil 10,6 milljarða íslenskra króna.
Félagið hafði áður ákveðið að fara af stað í umrædda stækkun en setti þær áætlanir á bið í apríl í ljósi Covid-19 heimsfaraldursins.
Stækkunin mun auka sætaframboð til almennra stuðningsmanna (e. general admission) um 5.200 sæti. Hin 1.800 sætin munu verða hluti af dýrari miðapökkum félagsins.
Fyrirhuguð stækkun er svar félagsins við aukinni aðsókn í miða á leiki ensku meistaranna. Nú eru um það bil 23.000 stuðningsmenn liðsins á biðlista fyrir ársmiðum á Anfield.
Enski boltinn á 433 er í boði 
