Andri Rúnar Bjarnason var í byrjunarliði Esbjerg vann sigur á Köge í dönsku B-deildinni í dag. Ólafur Kristjánsson þjálfari Esbjerg varð hins vegar að taka Andra af velli eftir 34 mínútur vegna meiðsla.
Lærisveinar Ólafs létu það ekki á sig fá og unnu góðan 0-2 sigur og situr liðið í þriðja sæti deildarinnar með leik til góða á liðin fyrir ofan sig.
Elías Rafn Ólafsson hélt hreinu með Fredericia í sömu deild er liðið vann 4-0 sigur á Skive.
Í Hollandi hélt Elías Már Ómarsson uppteknum hætti er hann skoraði eina mark Excelsior í 3-1 tapi gegn Roda í hollensku B-deildinni.
Böðvar Böðvarsson lék allan leikinn með Jagiellonia Białystok í pólsku úrvalsdeildinni er liðið tapaði 3-1 gegn Stal Mielec á útivelli.