fbpx
Laugardagur 29.nóvember 2025
433Sport

Evrópudeildin: Rúnar Alex hélt hreinu í sigri Arsenal

Aron Guðmundsson
Fimmtudaginn 26. nóvember 2020 19:47

Rúnar Alex Rúnarsson.

Ekki missa af Helstu tíðindum dagsins í pósthólfið þitt

Lesa nánar

Nokkrum leikjum í 4. umferð riðlakeppni Evrópudeildinni er lokið. Rúnar Alex Rúnarsson hélt hreinu í 0-3 sigri Arsenal gegn Molde. Þá voru Arnór og Hörður Björgvin báðir í byrjunarliði CSKA Moskvu sem gerði jafntefli við Feyenoord.

Rúnar Alex stóð vaktina í marki enska liðsins Arsenal er liðið heimsótti norska liðið Molde í kvöld. Nicolas Pepé kom Arsenal yfir með marki á 50. mínútu. Reiss Nelson tvöfaldaði síðan forystu Arsenal með marki á 55. mínútu. Það var síðan ungstirnið Folarin Balogun sem innsiglaði 0-3 sigur Arsenal með marki á 83. mínútu. Arsenal er eftir leikinn í 1. sæti B-riðils með fullt hús stiga eftir 4 leiki. Þetta var annar leikur Rúnars fyrir félagið.

Arnór Sigurðsson og Hörður Björgvin Magnússon voru báðir í byrjunarliðið rússneska liðsins CSKA Moskvu sem gerði 0-0 jafntefli gegn Hollenska liðinu Feyenoord. Hörður spilaði allan leikinn en Arnór var tekinn af velli á 63. mínútu. CSKA Moskva er í erfiðri stöðu í riðlinum, liðið situr í 4.sæti með 3 stig.

Í G-riðli gerði enska liðið Leicester City 3-3 jafntefli við portúgalska liðið Braga í Portúgal. Heimamenn komust yfir með marki á 4. mínútu en Harvey Barnes jafnaði leikinn fyrir Leicester skömmu síðar. Paulinho kom síðan Braga aftur yfir með marki á 24. mínútu. á 79. mínútu jafnaði Luke Thomas leikinn fyrir Leicester. Fransergio virtist hafa tryggt Braga sigur er hann kom liðinu aftur yfir á 90. mínútu en Jamie Vardy náði að jafna leikinn áður en flautað var til leiksloka. Leicester er eftir leikinn í 1. sæti riðilsins með 10 stig, Braga er í 2. sæti með 7 stig.

Önnur áhugaverð úrslit voru þau að skoska liðið Celtic steinlá er liðið tapaði 4-1 fyrir Sparta Prag. Þá gerðu Lille og A.C. Milan 1-1 jafntefli.

Fleiri leikir eru á dagskránni í Evrópudeildinni í kvöld. Þar verða Sverrir Ingi Ingason og Albert Guðmundsson í eldlínunni með sínum liðum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 12 klukkutímum

Frábær tíðindi hjá Chelsea fyrir stórleik helgarinnar

Frábær tíðindi hjá Chelsea fyrir stórleik helgarinnar
433Sport
Fyrir 12 klukkutímum

Cunha áfram frá vegna meiðsla – Lengra í Sesko og Maguire

Cunha áfram frá vegna meiðsla – Lengra í Sesko og Maguire
433Sport
Fyrir 15 klukkutímum

Real Madrid lætur Liverpool vita að þeir vilji ekki sjá Konate

Real Madrid lætur Liverpool vita að þeir vilji ekki sjá Konate
433Sport
Fyrir 15 klukkutímum

Carragher telur að Slot hafi viku til að bjarga starfinu og skammar hann fyrir atvik síðasta vor – „Þetta leit út eins og hegðun smáklúbbs“

Carragher telur að Slot hafi viku til að bjarga starfinu og skammar hann fyrir atvik síðasta vor – „Þetta leit út eins og hegðun smáklúbbs“
433Sport
Í gær

Van Dijk efstur á Englandi í þessum vafasama tölfræðiþætti

Van Dijk efstur á Englandi í þessum vafasama tölfræðiþætti
433Sport
Í gær

Hákon Arnar allt í öllu í sigri Lille – Eggert Aron byrjaði og Elías Rafn tapaði gegn Roma

Hákon Arnar allt í öllu í sigri Lille – Eggert Aron byrjaði og Elías Rafn tapaði gegn Roma