Blaðamaðurinn Fabrizio Romano, sem er þekktur innan knattspyrnuheimsins, segir að ítalska knattspyrnufélagið Napoli ætli að breyta nafninu á heimavelli sínum, til heiðurs Diego Armando Maradona sem lést í dag.
Leikvangurinn muni eftir breytinguna heita Diego Armando Maradona / San Paolo. Maradonaer fyrrum leikmaður félagsins og er í guðatölu þar.
Ákveðið ferli hafi nú þegar farið af stað varðandi nafnabreytinguna og áformin hafa hlotið samþykki borgarstjóra Napoli.
Maradona lék með Napoli á árunum 1984-1991 og vann meðal annars ítölsku deildina tvisvar sinnum og Euro Cup árið 1989.
#Napoli stadium will be re-called Diego Armando Maradona/San Paolo – work in progress to change the name as soon as possible.
The club has already decided as the mayor too. #D10S— Fabrizio Romano (@FabrizioRomano) November 25, 2020