Kristófer Jónsson mun að öllu óbreyttu ganga í raðir Vals frá Haukum á næstu dögum. Samkvæmt heimildum 433.is hafa Haukar samþykkt kauptilboð í hann.

Kristófer er 17 ára gamall miðjumaður sem lék 20 leiki með Haukum í 2 deild karla í sumar og vakti athygli.

Kristófer skoraði fjögur mörk í þessum tuttugu leikjum en hann lék tvo leiki í Lengjudeildinni árið á undan, þá aðeins 16 ára gamall.

Verði að kaupunum verður Kristófer fyrsti leikmaðurinn em Valur fær til sín eftir að Íslandsmótinu lauk þar sem Valur varð Íslandsmeistari.

Kristófer hefur spilað 10 leiki fyrir U15 og U16 ára landslið Íslands og skorað í þeim eitt mark.