Jósef Kristinn Jósefsson hefur ákveðið að leggja skóna á hilluna frægu en hann hefur leikið með Stjörnunni síðustu ár.

Jobbi eins og hann er oftast kallaður gekk til liðs við Stjörnuna fyrir tímabilið 2017 frá Grindavík og hefur síðan þá verið fastamaður í liðinu þessi fjögur ár og spilað 87 leiki í öllum keppnum með liðinu.

„Við þökkum Jobba fyrir allar ánægjustundirnar innan sem utan vallar og óskum honum velfarnaðar og vonumst til að sjá hann í stúkunni að styðja liðið,“ segir á Facebookar síðu Stjörnunnar.

Jósef er aðeins 31 árs gamall en hann lék fyrir öll yngri landslið Íslands á ferlinum.