David De Gea markvörður Manchester United lætur gagnrýnisraddir ekki á sig fá og horfir fram veginn. Hann segist horfa á Manchester borg sem heimili sitt efitr tæp tíu ár í herbúðum félagsins.
De Gea er oft gagnrýndur af stuðningsmönnum félagsins og þá sérstaklega síðustu ár.
„Það er frábært að vera hérna, mér líður eins og heima hjá mér í Manchester,“ sagði De Gea.
„Þú lærir af mistökum þínum, þú þroskast og lífið gefur þér erfiðar áskoranir. Þú lærir af þessum slæmu augnablikum, er lífið ekki þannig?.“
„Ég hef lært mikið. það er erfitt að velja eitt augnablik. Þú lærir af þessum erfiðu hlutum, það eru flóknir tímar í heimi okkar núna. Það er mikið af fólki sem er til í að gera lítið úr þér.“
„Þú lærir af öllum hlutum lífsins, að hafa trú á því sem þú ert að gera og halda áfram að gefa alltaf 100 prósent á hverri æfingu, í hverjum leik. Lífið heldur áfram, þú verður að mæta á hverjum degi og reyna að bæta þig.“
„Ég er sama persóna og þegar ég kom hingað 2011 en ég hef reynsluna, ég hef lært mikið á lífsins leið.“
Enski boltinn á 433 er í boði 
